“Que la utopía sea tan fuerte que parezca razón, que la razón sea tan bella que parezca utopía”
Clemente Estable
*Nentuzugun
Re vlkantukelan ta iñche
ka ñi kvme tripan zugungenon,
kitara mew vlkantuken
kimfal zugu ñi niyen mew ka kvme rakizuam.
Mapu piwke Nelly
ka pvchi kono mvpv,
gillatuñmaelchi ko reke,
gillañpegey kvme felen ka llazkvlen.
Fey tifa mew kvme amulley ta ñi vl,
pilley ga Violeta,
kvzawfe kitara
pewv kvyen wvrwangelu.
Vlmenke che ta ñi kitara no
chemkvn rume ñi femgenon,
ta ñi vl wenu miawpeyvm
zituafiel chip u wagvlen.
Vlkantun niyelley kimfal zugu
tretrefvyem witrupeyvm mollfvñ
feychi vlkantulen ta layalu
feyentyfalchi rvf zugu,
lefkechi ayvzuamal rume
ka pu vytun ka tripa che
feychi fvtrakechi kvnal vl
puwlleay ta ponwi mapa.
Chef ta ñi kom puwkemvm
ka chef kom llitukemvm,
newengekelle chi vl
rumel we vlgelleay,
rumel we vlgelleay,
rumel we vlgelleay.
(*Manifiesto, Víctor Jara)
Traducción: Elicura Chihuailaf
No hay comentarios.:
Publicar un comentario